Do you know Incy Wincy? Coñeces a Incy Wincy?

E seguimos con entradas do blog adicadas aos mais pequeniños do CRA os/as de tres aniños ou casi. Iniciamonos con cancións sinxelas e con animaliños, que supoñen un éxito seguro. E qué mellor exemplo que Incy Wincy Spider. A araña Incy Wincy tenta subir por unha tubería pero como empeza a chover falla no seu intento e xa cando luce o sol, cumple co seu propósito.

Con esta "song" contamos as patiñas da araña e practicamos como expresar que chove e que vai sol. Vede como gozan visionándoa nas pantallas das aulas e como ata se animan a coloreala.

E por si queredes disfrutar dela na casa unha e outra vez aquí colgamos o vídeo.

Ata a próxima. See you soon!!!

Our first days of school

Xa levamos uns diíñas de curso e empezamos con moita ilusión. Durante as sesións de inglés utilizaremos a Monkey ( un mono de peluche que tan so fala in English) como elemento de motivación e para que nos axude a coñecer a súa lingua e mais aspectos da cultura dos países de fala inglesa (en especial Reino Unido).

Nas distintas sesións procurarei potenciar a capacidade de comprensión e expresión oral dos alumnos/as a través de xogos e cancións.

Durante estes días utilizamos a canción de Five Little Monkeys que nos sirve para contar en inglés cara diante e cara atrás ata cinco. Gozan moitísimo con ela.

Traballamos dun xeito participativo, procurando que disfruten escoitando historias en inglés, sen intentar entender cada palabra. Cada conto ou historia é seleccionado seguindo uns obxectivos e dentro do proxecto común de centro " The Whole Sea" (O mar enteiro). Como reforzo para adquirir novo vocabulario, completamos cada conto cunha canción casi sempre acompañada de movemento corporal. Deste xeito aprendemos dun modo lúdico e motivador. Tamén realizamos fichas, pero sempre como complemento ou reforzo do aprendido.
Cada alumno/a ten o seu propio ritmo de aprendizaxe e, ás veces tardan mais en falar, pero participan en todas as actividades cos seus compañeiros/as e necesitan mais tempo e seguridade.
Xa vos iremos comentando mais detalliños en novas entradas.

We are going back to school

As vacacións acabáronse e os nosos amigos Monkey e Cheeky están desexando voltar ás aulas e compartir experiencias con tod@s vós. Pasaron o verán pensando en novas cancións, xogos e historias coas que nos divertiremos aprendendo inglés. 

Xa nos queda moi pouquiño para vernos. Recordade que os nen@s de 5º e 6º de infantil precisades o libro Playschool A class book da editorial Oxford co ISBN 9780194734080. 

Vémonos o día 10! See you!

Summer holiday

As clases xa remataron e as vacacións xa están aquí. O noso terceiro trimestre foi curto pero intenso. Nel disfrutamos con cancións e contos nos que os protagonistas eran animais salvaxes, celebramos o cumpleanos de Cheeky Monkey e organizamos un picnic grazas o que aprendimos nomes de comidas e falamos de hábitos saudables, e ilustramos o conto de The Gruffalo da escritora Julia Donaldson que tanto nos gusta.

Tamén realizamos as portadas das nosas carpetas.

Happy Holiday!

Walking in the jungle

O contiño que lemos para celebrar o día do libro gustounos tanto, que nos levou a buscar unha canción tamén de animais que tanto nos apaixoan. Decidímonos pola de "walking in the jungle"  (camiñando pola selva) coa que pasamos un bo rato escenificándoa na clase e mais elaborando un debuxo mural dos personaxes da canción: girls, boys, frog, monkey, toucan e tiger.

Para que disfrutedes con ela na casa escoitándoa unha e outra vez, aquí tedes o vídeo.

Time for a story

Que nos conten historias é algo que nos gusta a todos/as grandes e nenos/as. O pasado 23 de abril celebramos o día do libro e que mellor maneira de facelo que contando un conto. 

Eleximos un de animais: Dear Zoo ( querido zoo) de Rod Campbell. Narra a historia dun neno que quere unha mascota e escrebe ao zoo para que lle manden unha, pero parece que ningunha resulta moi axeitada.

A estructura do libro é sinxela e moi repetitiva e con ela os alumnos/as aprenden os nomes dos animais e adxectivos: elephant/big, giraffe/tall, lion/fierce, camel/grumpy, snake/scary, frog/jumpy, monkey/naughty e dog/perfect.

Temos unhas palabras máxicas para conseguir atención e concentración no conto: 

One, two, three look at me

One, two, three listen to me

One, two, three sssssssssh!

Asemade visionamos nos EDIs a historia musicada que nos encantou e serviu para afianzar o vocabulario en inglés.

E fixemos un debuxo da historia elexindo a nosa popia mascota (pet).

Pasámolo moi ben. Se queredes escoitar o conto musicado tédelo a continuación.

Apaixóannos os libros!!! We love books!!!

Travelling to New York

Levamos un trimestre moi intenso. A cidade de New York apaixónanos e a organización dunha viaxe aló moito mais.

Xa vos fomos explicando todo canto fomos aprendendo sobre os transportes e a roupa que iamos levar na maleta.

Despois tocou preparar os nosos billetes de avión e os pasaportes, xa que descobrimos que sin eles non podiamos entrar no país.

Con esta actividade practicamos como escribir os nosos nomes, apelidos, data de nacemento, nacionalidade,..

Mirade que felices estamos xa cos nosos "plane tickets" preparados.

Descobrimos cousas moi interesantes sobor dos avións: porta de embarque (boarding gate), asentos (seat),cinto de seguridade (seat belt) ...

E decidimos plasmar nun debuxo os diferentes "transport" que iamos utilizar.

Despedímonos ata a próxima, xa vos contaremos novas da nosa viaxe!!!