Countdown to Easter

   Comezamos a conta atrás para unhas datas que os cativos/as esperan con ilusión: Easter/Pascua. O motivo fundamental é a esperada visita do coelliño de Pascua/ Easter Bunny e a esperanza de recibir os deliciosos Easter Eggs de chocolate.

   Estes días previos ao forzado parón, xa anticipamos algo na clase. A motivación é fundamental na aprendizaxe. Qué mellor maneira de meternos no ambiente que visionando o trailer  de Peter Rabbit, o coello mais travieso e ocurrente. Non se cansan de velo.

   Déixovos unha ficha de Easter por si queredes imprimila e que a coloreen para que, na medida do posible, os nenos/as se sintan como na escola. 

 

 Irei colgando cancíons e mais actividades durante estes días. Ánimo a todos e todas e un saúdo.

Women´s International Day!

  O día 8 de marzo celebramos o Día Internacional da muller e no C.R.A. de Bergondo decidimos que tratándose de cativos/as destas idades, que mellor xeito de facelo que destacando mulleres que xoguen un papel importante para nós. Na clase de inglés (por unanimidade) falamos da nosa escritora favorita: Julia Donaldson.

   Fixemos unha exposición dos libros que contamos desta escritora e eleximos cada un/ha o que mais nos gustou.

Eleximos entre todos/as, investigando na súa bibliografía, un novo conto adaptado ao proxecto: The Snail and the Whale.

   Fascinounos!!!

   Déixovos o enlace ao trailer desta historia que nos traslada, cunha gran riqueza de detalles, a distintos lugares do mundo e que tamén nos fala de conciencia ecolóxica.

Por si queredes imprimila, esta é a ficha do conto que imos colorear.

We love Stories

Encántanos que nos conten contos! No mes de abril, aproveitando a celebración do Día do Libro, disfrutamos con fantásticas historias en inglés coas que damos renda solta á nosa imaxinación ao tempo que aprendemos. 

O primeiro conto seleccionado foi: There was an old lady who shawolled a fly. A descabellada historia dunha muller maior que traga unha mosca e decide comer unha araña para atrapala no estómago. O conto vaise desenvolvendo cun cúmulo de animais aos que a muller se vai engulindo para librarse dos anteriores. Moito nos gustou.

Outro dos contos que nos fixo soñar foi: Papa please get the moon for me, onde unha nena ao comtemplar a lúa dende a ventá da súa habitación quere collela para xogar con ela. Ao non poder pídello ao seu pai, quen argalla a maneira de facelo.

Grazas a este conto sobor da lúa, coñecimos a dous personaxes moi entrañables. Wallace and Gromit. A comida favorita de Wallace é o queixo e decide nas vacacións viaxar á lúa porque ten a idea de que esta está feita de queixo. Con este fin constrúe o seu propio cohete.

O mundo dos contos é unha oportunidade única para, grazas a motivación que despertan nos nenos e nenas, desenrolar desde pequenos a comprensión nunha lingua estranxeira e enriquecer o seu vocabulario ao tempo que lles permiten soñar.

En próximas entradas seguirémosvos presentando mais dos nosos contos e historias favoritas. 

Getting ready for Easter

Achégase un dos momentos do ano que mais lles apaixoa aos nosos nenos/as Easter (Pascua) e con el o coelliño "cute and friendly" que lles trae deliciosos ovos de chocolate. Para ir abrindo boca, disfrutamos co precioso conto de Beatrix Potter : The Tale of Peter Rabbit.

Peace

   Onte celebramos en todas as escolas do CRA o Día da Paz e dende as sesións de "English" tamén quixemos aportar o noso graniño de area coa lectura dun conto precioso e entrañable : Hugless Douglas de David Melling. Douglas non precisa outra cousa que unha aperta e levántase unha mañá na procura dunha, pero parece que atopar cariño é unha misión difícil e en especial para un oso.

Con este conto valoramos a importancia dos xestos de cariño e disfrutamos practicando diferentes tipos de "hugs" (apertas).

Aquí tedes o vídeo para que o compartades tamén nos vosos fogares.

Christmas is all around

O mes de decembro empezou hai nada e con el viñeron a maxia e o encanto do Nadal. Nós na escola empezamos a preparar o ambientiño navideño con diferentes cancións e historias que alimentaban a ilusión que temos por estas datas.

Aquí tedes algunhas delas.

Estade pendientes de novas entradas onde compartiremos as nosas panxoliñas favoritas e contos de Nadal

We love Halloween!!!

Levamos xa uns díiñas disfrutando da parte de misterio e certo medo que nos aportan as personaxes de Halloween e familiarizándonos cos seus nomes en inglés a través de contos e cancións. Incluso confeccionamos os nosos "ghosts" ou "witches" . Estabamos moi motivados porque coñecimos estas persoaxes grazas a unhas "finger puppets" (marionetas de dedo) chulísimas e proxectamos as súas sombras de cores cunha linterna máxica. 

Resúltanos moi divertido pensar que podemos asustar aos maiores.
Sumerxímonos no fantástico mundo das bruxas con tres contos que nos arrancaron risas e suspense.

Aquí podedes ver unha e outra vez as aventuras de Meg, unha witch un pouquiño desastrosa nos seus feitizos.

E como non , tampouco faltaron as cancións de cabazas, truco ou trato ou de casas encantadas.

Happy Halloween!!!