Colours

   As cores rodean o noso mundo, e na aula de infantil non poderíamos vivir sen elas. A aprendizáxe das mesmas en inglés, plantéxase como na súa propia lingua materna, introdúcenselle simultáneamente e o alumn@ vainas asimilando dun xeito natural.

   Estes días gozamos nas aulas dun conto que nos axuda a interiorizalas, titúlase Brown bear, brown bear what do you see? de Bill Martin e Eric Carle. A estructura sempre é a mesma van aparecendo animais aos que se lles pregunta que ven e eles contestan o nome do animal e a súa cor. Podédelo ver no seguinte video de you tube cantado polo autor. 

Asemade podedes practicar as cores cos vos@s fill@s na casa cantando con eles esta bonita canción. Nos xa estamos disfrutando e aprendendo con ela na escola.

Xa nos estamos preparando para Halloween, moi prontiño teredes noticias!!!

That´s the way we learn! Así aprendemos.

Xa levamos uns días de traballo no cole e vos imos contar como deseñamos as nosas sesións das clases de inglés.

Comezamos sempre por aproveitar os carteis da aula onde figuran os nen@s  que están no cole e os que quedaron na casa. Afianzamos así os termos "school" e "home". Cantamos " ...Is here today..." e "is not here today" (está e non está hoxe) e contamos.

A continuación saudamos a Monkey coa canción. "Good morning..."

Temos sempre un tempo de escoitar e ver unha pequena historia na pantalla dixital.

Traballamos as destrezas propias da aula con fichas sobor da historia anteriormente visionada.

Por último interpretamos unha canción de movemento.

Vede como gozamos aprendendo "in English".

Durante estes días os conceptos traballados están sendo as cores, os números e o tempo: It´s raining/ It´s sunny.

Our first week of English

Esta foi a nosa primeira semana de English despois do período de adaptación. Nela aproveitamos para repasar algúns, e aprender os novos, as cancións dos saúdos e dos que están ou non no cole. Contamos por suposto coa axuda da nosa mascota Monkey á que lle custou bastante regresar das súas vacacións.

Mirade que boas migas fixemos con el e como gozamos saudándoo   "in English". 

Comezamos a contar en inglés e para iso escoitamos dúas cancións de números nas pantallas dixitais e mais Monkey trouxonos un libro puzzle para @s mais pequen@s.

Os maiores están desexando xa empezar cos novos books, xa coñecemos aos seus protagonistas.

Back to school (de volta á escola)

Comeza un novo curso e Cheeky Monkey non nos acompañará este ano na nosa aprendizaxe en inglés. Contaremos co seu irmán maior Monkey, co que seguro gozaremos ao tempo que aprendemos. El será o protagonista de moitas das aventuras que viviremos na escola.
Os alum@s que empecen este curso no C.R.A. (@s de tres aniños) non precisan libro de inglés, xa que traballaremos dun xeito mais lúdico ao través de cancions e contos.
Para @s que xa son veteran@s no C.R.A (@s de catro e cinco anos) deberán mercar o libro de Playschool A da editorial Oxford con ISBN:9780194734080 . Ampliaremos as unidades do mesmo con material de elaboración propia en coordinación coas diferentes titoras e dentro dun proxecto común de centro.    

Un saúdo e feliz inicio de curso a tod@s.

London 2012

Non podiamos rematar o curso sen adicarlle un pouquiño do noso tempo aos Xogos Olímpicos de Londres (London 2012) e deste modo vestir ao noso fiel amigo Cheeky Monkey coa camiseta de deporte e que protagonice as portadas das nosas carpetas co traballo dos últimos meses.

Así que mans á obra explicamos un pouquiño da historia dos xogos, falamos do que simbolizan os aros olímpicos e dixemos as súas cores en inglés, situamos London, vimos algún dos seus monumentos mais representativos e valoramos a  importancia de facer deporte como hábito de vida sana.  

As carpetas inclúen algunhas fichas ou letras de cancións complementarias ao traballo desenvolvido na aula. Por tratarse o infantil dunha etapa na que a aprendizaxe dunha nova lingua (neste caso o inglés) debe facerse dun xeito lúdico a través de xogos, cancións e contos fundamentalmente, o traballo de fichas é moi reducido ao primar a expresión e comprensión oral.

Art project

Como todos os cursos desde o cole de "Cruz do Sar" nos invitan a participar nun proxecto común para traballar nas aulas, e nós sumámonos encantad@s. Tamén desde a área de "English" quixemos colaborar. Este ano o tema elexido é "Art" así que pensei que sería boa idea darlles a coñecer aos nenos@s do C.R.A. a galería de arte moderno mais importante de Reino Unido: a Tate Modern de Londres.

  
Consultamos información en internet e imprimimos algunhas fotografías reprentativas deste museo, así coma cadros dos artistas     elexidos nas aulas e expostos algunha vez na Tate. 

Na aula das bolboretas de Carrio prestáronnos un libro en inglés precioso: Babar's Gallery. Conta a historia de como no puebliño de Babar reconvirten unha antigua estación de tren nun museo e nos presenta cadros famosos que tratamos de identificar. Cheeky Monkey e eu contámolo en todas as escolas. 

A idea do libro de Babar levounos a confeccionar o noso propio libro de arte en inglés no C.R.A. Neste caso a galería sería a Tate e nas páxinas colocamos cadros dos artistas elexidos polas titoras e traballados nas aulas e que estiveran algunha vez expostos neste museo. Cada grupo se debuxou a si mesmo visitando o museo na sala do seu artista.

Como non todos os pintores elexidos teñen obras expostas na Tate, confeccionamos un marcapáxinas para o libro: un avión da British airways rumbo a Londres e no que os pasaxeiros foron os nen@s das escolas sen representación no museo.

O resultado final foi un libro precioso elaborado entre tod@s e que nos serviu para aprender algo mais sobre arte e compartir os nosos coñecementos con tod@s @s nen@s do C.R.A

art project on PhotoPeach

Incy Wincy spider

Como na aula das bolboretas en Carrio son tan amig@s dos animaliños, decidimos disfrutar con esta canción tradicional dunha araña "spider" que sufre un pouco para subir pola tubería en días de choiva. Con ela ao tempo que aprendemos, melloramos tamén a nosa coordinación manual. Vede que ben o facemos! Tamén vos presento a letra e mais o vídeo do British Council (que foi o que  utilizamos para aprendela) por se vos queredes animar vos na casa a cantar con eles.