Back to school (de volta á escola)

Comeza un novo curso e Cheeky Monkey non nos acompañará este ano na nosa aprendizaxe en inglés. Contaremos co seu irmán maior Monkey, co que seguro gozaremos ao tempo que aprendemos. El será o protagonista de moitas das aventuras que viviremos na escola.
Os alum@s que empecen este curso no C.R.A. (@s de tres aniños) non precisan libro de inglés, xa que traballaremos dun xeito mais lúdico ao través de cancions e contos.
Para @s que xa son veteran@s no C.R.A (@s de catro e cinco anos) deberán mercar o libro de Playschool A da editorial Oxford con ISBN:9780194734080 . Ampliaremos as unidades do mesmo con material de elaboración propia en coordinación coas diferentes titoras e dentro dun proxecto común de centro.    

Un saúdo e feliz inicio de curso a tod@s.

London 2012

Non podiamos rematar o curso sen adicarlle un pouquiño do noso tempo aos Xogos Olímpicos de Londres (London 2012) e deste modo vestir ao noso fiel amigo Cheeky Monkey coa camiseta de deporte e que protagonice as portadas das nosas carpetas co traballo dos últimos meses.

Así que mans á obra explicamos un pouquiño da historia dos xogos, falamos do que simbolizan os aros olímpicos e dixemos as súas cores en inglés, situamos London, vimos algún dos seus monumentos mais representativos e valoramos a  importancia de facer deporte como hábito de vida sana.  

As carpetas inclúen algunhas fichas ou letras de cancións complementarias ao traballo desenvolvido na aula. Por tratarse o infantil dunha etapa na que a aprendizaxe dunha nova lingua (neste caso o inglés) debe facerse dun xeito lúdico a través de xogos, cancións e contos fundamentalmente, o traballo de fichas é moi reducido ao primar a expresión e comprensión oral.

Art project

Como todos os cursos desde o cole de "Cruz do Sar" nos invitan a participar nun proxecto común para traballar nas aulas, e nós sumámonos encantad@s. Tamén desde a área de "English" quixemos colaborar. Este ano o tema elexido é "Art" así que pensei que sería boa idea darlles a coñecer aos nenos@s do C.R.A. a galería de arte moderno mais importante de Reino Unido: a Tate Modern de Londres.

  
Consultamos información en internet e imprimimos algunhas fotografías reprentativas deste museo, así coma cadros dos artistas     elexidos nas aulas e expostos algunha vez na Tate. 

Na aula das bolboretas de Carrio prestáronnos un libro en inglés precioso: Babar's Gallery. Conta a historia de como no puebliño de Babar reconvirten unha antigua estación de tren nun museo e nos presenta cadros famosos que tratamos de identificar. Cheeky Monkey e eu contámolo en todas as escolas. 

A idea do libro de Babar levounos a confeccionar o noso propio libro de arte en inglés no C.R.A. Neste caso a galería sería a Tate e nas páxinas colocamos cadros dos artistas elexidos polas titoras e traballados nas aulas e que estiveran algunha vez expostos neste museo. Cada grupo se debuxou a si mesmo visitando o museo na sala do seu artista.

Como non todos os pintores elexidos teñen obras expostas na Tate, confeccionamos un marcapáxinas para o libro: un avión da British airways rumbo a Londres e no que os pasaxeiros foron os nen@s das escolas sen representación no museo.

O resultado final foi un libro precioso elaborado entre tod@s e que nos serviu para aprender algo mais sobre arte e compartir os nosos coñecementos con tod@s @s nen@s do C.R.A

art project on PhotoPeach

Incy Wincy spider

Como na aula das bolboretas en Carrio son tan amig@s dos animaliños, decidimos disfrutar con esta canción tradicional dunha araña "spider" que sufre un pouco para subir pola tubería en días de choiva. Con ela ao tempo que aprendemos, melloramos tamén a nosa coordinación manual. Vede que ben o facemos! Tamén vos presento a letra e mais o vídeo do British Council (que foi o que  utilizamos para aprendela) por se vos queredes animar vos na casa a cantar con eles. 

Our hands

Na unidade da granxa "farm" que estamos traballando, non pode faltar un tempo para as cancións que tanto nos gustan e coas que aprendemos un montón. Xa vos presentamos na anterior entrada "Old Mac Donald" e agora ímosvos sorprender con "Our hands" (as nosas mans) na que traballamos os conceptos de "dirty" (sucio) e "clean" (limpo) e que gardan relación coa historia de Cheeky (os animaliños ensúcianse no barro e acuden ao granxeiro para que os lave).

Esta canción tan útil sírvenos para acompañar o lavado de mans á volta do patio.

 

Farm animals

Despois dunha temporadiña viaxando polo espacio, concentrámonos agora nos animais de granxa " farm animals".

Cheeky Monkey levounos a unha "farm" onde os seus animaliños eran algo traviesos. Con el aprendimos os seus nomes en inglés: horse, duck, cow e sheep e a expresar os conceptos de "dirty" (sucio) e "clean" (limpo). Melloramos a nosa comprensión oral  escoitando estas aventuras e realizamos fichas sobor da historia. Tamén utilizamos as pantallas dixitais para facer xogos do CD interactivo cos que reforzamos a adquisición do novo vocabulario dun xeito divertido. 

Como disfrutamos moito cos contos, eu seleccionei Spot´s noisy tractor, que é unha historia dun canciño (Spot) que visita unha granxa co seu pai e vai coñecendo os distintos animais que alí viven.

  

Durante o tempo da realización das fichas, adoitamos escoitar cancións da temática que tratamos para que así sigan traballando    o seu ouvido nesta lingua e nesta ocasión a elexida foi Old Mc Donald had a farm. 

   

Our spaceships

Tanto nos gustou a aventura de Wallace e Gromit na súa viaxe á lúa, que xenerou a construcción das nosas propias "spaceships" para sentirnos nós tamén un poquiño heroes espaciais. Ata Cheeky Monkey buscou traxe de astronauta e participou connosco seguindo as instrucións facilitadas pola revista que nos trouxo Manuel. 

Cando realizamos unha actividade de "craft in English" (plástica en inglés) conseguimos un doble obxectivo: por unha banda aumentar a motivación e, por outra, reforzar o vocabulario de intrucións, cores e material nesta lingua dun xeito significativo.

Asemade ao facer despegar as nosas naves (blast off) practicamos a conta atrás en inglés, traballo co seu grado de complicación para nen@s de infantil. 

Houbo que pospoñer algún día o lanzamento pola tormenta Berta, pero pese as dificultades as nosas "spaceships" surcan xa o espazo rumbo á lúa. Good luck!(boa sorte!).