Daily routines (rutinas diarias)

Na entrada anterior presentamos unha canción para aprender o nome das "fruit" sacada dunha páxina web con multitude de recursos: dreamenglish.com. Nela descubrimos outra "song" que nos encantou (wake up/ a espertar) e que utilizamos para aprender a expresar en inglés cal son as nosas rutinas diarias "daily routines" para vir ao cole (espertar, lavar a cara, almorzar, peitearse, lavar os dentes e ir ao cole). Vede como escenificamos algúns exemplos.

  

Recoméndovos que poñades a canción unha e outra vez e vos animedes a escenificala e cantala cos vosos fill@s (algúns xa o fan "very good"), é un xeito magnífico de acompañalos no seu proceso de aprendizaxe e veredes  que é ben pegadiza.

Fruit

Na programación dos contidos das sesións de inglés combino unidades de elaboración propia (incluidas dentro do proxecto do CRA: O mundo enteiro) con outras do texto utilizado polos alumn@s de 4 e 5 anos, ampliadas e adaptadas ás nosas necesidades.

Nesta ocasión os amigos de Monkey merendan na escola e ese día toca froita. Deste xeito aprendemos nomes de "fruit in English: pears, plums, oranges, apples, cherries and bananas".

Vemos a historia nas pantallas das aulas, elaboramos as fichas do libro (@s de 3 anos unha adaptada para eles) e xogamos con tarxetas de froitas a un xogo de parellas de atención e memoria.

Por suposto non podía faltar un tempo para un conto (story time) e que mellor elección que The very hungry caterpillar de Eric Carle. Nesta historia unha eiruga sae do seu ovo con fame e roe cada día diferentes pezas de froita. Ademais este conto nos sirve para practicar expresións como: "I´m hungry. I want to eat!" (teño fame, quero comer).

E como nos encantan as cancións e son un recurso fantástico para aprender, eleximos esta do blogue de dreamenglish. A nós gústanos ben, a ver a vós que vos parece.

We love books!!! Encántannos os libros!!!

Mañá martes, 23 de abril, celebramos o día do libro e a nós que nos encantan os "books" decidimos festexalo contando en todas as aulas do CRA un conto moi especial "in English": Monkey Puzzle escrito por Julia Donaldson e ilustrado por Axel Scheffler.

É a historia dun mono pequeniño que se perde na selva e non atopa á súa nai. Contará coa axuda dunha "butterfly" pero tardarán un pouquiño, xa que "monkey" non lle da unha pista fundamental: a súa "mum" parécese a el. Despois de confundirse con distintos animaliños da "Jungle" (selva) o final é feliz e reúne ao moniño con mummy e daddy. Para facer mais atractivo o relato e practicar o nome dos animais utilizamos pequenas "puppets" ou marionetas.

A autora deste libro é unha escritora magnífica, famosa sobor de todo polo "Gruffalo" e da que xa contaramos algúns dos seus contos como Room on the broom.

Gustounos tanto este conto que decidimos facer nós tamen de ilustradores.

Tod@s @s que teñades oportunidade compartide mañá un libro c@s vos@s fill@s: mercado, prestado na biblioteca ou deses favoritos que tedes nas vosas casas. Para tod@s: Feliz Día do Libro!!! Enjoy stories!!! 

Hokey Cokey in Bergondo!!!

Como xa vos comentamos na entrada anterior, andamos a darlle marcha ao CRA cunha canción que nos encanta e que nos axuda a adquirir e afianzar conceptos como dereita/esquerda (right/left), dentro/fora (in/out) e as partes do corpo (hand, leg,...).

Nós, fixemos a nosa propia versión. Vede con que entusiasmo a interpretan @s alumn@s de Silvoso (temos que seguir insistindo en "right and left" pero imos por bo camiño). Kisses!!!

Enjoying Easter Holiday!

As vacacións de Pascua (Easter) remataron e toca voltar ás aulas e continuar co noso traballo e a rutina diaria. Tod@s chegamos emocionad@s e compartimos as nosas vivencias deses días pasados por auga na maioría dos sitios. Quen disfrutou do lindo foi Monkey que marchou aos cañóns do Sil coa profe Saleta e a súa sobriña Fabiola. Coidaron del fenomenal e incluso tiveron tempo para repasar un pouquiño de "English" xuntos. Thank you very much for everything!!!  

Nestes primeiros días retomamos a actividade dándolle algo de ritmo ao CRA cunha "song" ben marchosa: Hokey cokey, coa que traballamos conceptos como dereita e esquerda (right and left), dentro/fora (in/out) e as partes do corpo.

Aquí tedes o vídeo da canción para practicar na casa e pasar un rato divertido.

Happy Easter

Acaba outro trimestre e colleremos estes días de descanso con ilusión. Traballamos e aprendemos moitas cousas. Algunhas delas se recollen nas carpetas "with our English work" que levamos ás casas. O protagonista da portada non podía ser outro que Easter bunny (coelliño de Pascua). Alegramos a nosa actividade coa súa canción e vimos nas pantallas o que esconden os ovos de pascua "Easter eggs".

Happy Easter!

More things about United Kingdom

Durante estes días pasados estivemos aprendendo mais cousas de Reino Unido. Recibimos a visita duns "teddies" moi especiais que chegaron directamente desde Londres e traían unhas cartas nas que nos explicaban cal era a súa misión nese país: un "royal guardian", un "beefeater", un garda escocés,...

 Limos entusiasad@s as súas "letters" (cartas) e descubrimos moitas cousas do seu país.

Realizamos fichas dos "monuments" mais representativos.

Tamén falamos das comidas. Contáronnos que a mais popular é "fish and chips" (peixe rebozado con patacas fritidas) e que hai cadeas e restaurantes que so sirven esta comida.

Por suposto eleximos unha canción "song" axeitada e recurrimos a unha que algúns xa cantaramos o curso pasado: One, two, three, four, five, once I caught a fish alive. (1,2,3,4,5 unha vez pesquei un peixe). Podédela practicar cos vosos fill@s

Reitero os meus agradecementos ás compañeiras por me prestar un material tan motivador.